451
Spero per orationes vestras donari me vobis. (Philemon. 22.) Liberatus sum de ore leonis. (II. Timot. IV. 17.)
452
Coercitus est (Julianus) Dei clementia, et lacrymis Christianorum, quae multae jam et a multis erant effusae, cum solum hoc contra persecutorem haberent remedium. (S. Greg. Naz. or. I. in Jul.)
453
Illicita illicite vindicare, et ab illicitis illicite deterrere, non est bonum. (S. Aug., lib. de Unit. Eccl., cap. XX, n. 54.)
454
Pater tuus durissimo jugo nos pressit, tu leviora impera patre tuo, qui nobis imposuit gravem servitutem, et paululum de onere subleva, ut serviamus tibi. (II. Paralip. X. 4.)
455
Populus autem universus Rege duriora dicente, sic locutus est ad eum: Non est nobis pars in David, neque hereditas in filio Isai. (Ib. v. 16. vid. III. Reg. XII. 16.)
456
Misitque Rex Roboam Aduram qui praeerat tributis, et lapidaverunt eum filii Israel, et mortuus est: porro Rex Roboam currum festinavit ascendere, et fugit in Jerusalem. (Ib. v. 18.)
457
Ad dignitatem illius (Saulis) confugit (David) dicens: Quoniam christus Domini est. Quid ais? inquiunt, quod scelestus, quod sceleribus opertus, ac vitiis innumerabilibus refertus, et in nos extrema cogitans? Non. Sed Rex est, sed Princeps, sed praesidentiam in nos suscepit. Neque tamen dixit, Rex est, sed, christus Domini est, non ab humano honore, sed a caelesti indicio sumpto honorifico testimonio. Contemnis, inquit, conservum tuum, reverere Dominum. (S. Joan. Chrys. de Dav. et Saule hom. I. pen. fin.)
458
Non acquievit (Rex) populi precibus: erat enim voluntas Dei ut compleretur sermo ejus quem locutus fuerat per manuum Ahiae Silonitis ad Jeroboam filium Nabat. (Ib. v. 15.)
459
Veni, ut mittam te ad Isai Bethlehemitem: providi enim in filiis ejus mihi Regem... Tulit ergo Samuel cornu olei, et unxit eum (David) in medio fratrum ejus: et directus est spiritus Domini a die illa in David, et deinceps. (I. Reg. XVI. I. 13.)
460
Dixit Dominus ad Samuelem: Ne respicias vultum ejus (Saul), neque altitudinem staturae ejus: quoniam abjeci eum... Spiritus autem Domini recessit a Saul. (Ib. v. 7. 14.)